صحتك بالدنيا
حاجات كتير ف حياتنا ممكن نحبها.. نحبها جداً بس ما إحنش واخدين بالنا قد إيه هي ممكن تكون أذى لينا! 😏 نقيس الجملة دي على علاقات كتير جداً و من أخطر العلاقات دي علاقتنا بالأكل! للدرجة دي؟ 😦
خلينا نشوف، 🤷🏻♀
الأكل الجاهز و حتى الأكل البيتي اللي مليان زيوت و ... و ... و ... ممكن يعمل فينا إيه؟ أبسطها هنتخن و لما نتخن و يبقى شكل جسمنا مش متناسق حالتنا النفسية هتكون متدمرة و دايماً مش راضيين عن شكلنا و مكتئبين 😓
طيب و شعرنا و بشرتنا أخبارهم إيه مع طبيعة الأكل دي؟ 😕
أبحاث كتير أثبتت إن كل ما كان الأكل صحي كل ما كان شعرنا صحي و قلت فرص إصابتنا بحب الشباب و ما إلى ذلك من مشاكل البشرة 🏻💇🏻
كل ده إحنا بنتكلم في شكلنا الخارجي.. طب إيه أخبار صحتنا؟ 🤔
العلماء إكتشفوا إن من أشهر الأمراض المزمنة اللي فيه علاقة وثيقة بينها و بين طبيعة الأكل الغير صحي هي مرض السكر، أمراض القلب و الأوعية الدموية و حتى الكانسر 😞
و بما إن تقريباً مابقاش فيه عيلة مصرية إلا و فيها مرض من الأمراض دي و علشان صحتنا بالدنيا فريق فيوتشر دكتور فكر في عمل يوم طبي هيكون معانا فيه أطباء متميزين هيكلمونا عن الغذاء الصحي لمرضى الأمراض المزمنة دي❤
مش بس ده إحنا كمان هنتناول الجانب النفسي المرتبط بالأكل و نظرتنا لنفسنا و إيه هو الغذاء الأفضل لشعر و بشرة أفضل 💇🏻💆
بنحب الأكل؟ آه
طب إيه رأيكم نقدر كل شئ بقدره و نحضر يوم جايلنا فيه دكاترة مخصوص عشان يعرفونا الأكل الصحي بيكون عبارة عن إيه، 🌿 إيه هو الغذاء الأفضل للعناية بالشعر و البشرة، 🌸إزاي أظبط أكل المريض بمرض من الأمراض المزمنة دي ؟ إزاي ممكن ندخل ف إكتئاب بسبب الأكل و نتعامل مع كل التساؤلات دي إزاي 😉
وجه وقت الصور
ليست هناك تعليقات:
إرسال تعليق