123
محصلش قبل كده قدامك حادثة و لقيت حد بينزف و محدش عارف يعمل حاجة ؟مصادفتش طفل مرة بلع حاجة و وقفت ف زوره وكان هيموت م الخنقة ؟ طب عمر ما حد من زمايلك ف الشغل أو الدراسة أغمى عليه فجأة ؟ ..
عمرك فكرت ايه أول حاجة ممكن نعملها لو حد جاله ضيق تنفس فجأة أو حد ضربات قلبه عالية أو قلبه كان هيقف ؟
تعرف ايه اول حاجة مفروض نعملها بعد التعرض للحريق والعياذ بالله؟ ..
طيب عمرك فكرت تنقذ حد من الموت ؟؟
سهلة ما أنا اتصل برقم 123 وتيجي الإسعاف تتصرف و كله يبقى تمام صح ؟!
لا كله هيبقى تمام لما تبقى انت نفسك إسعاف و تقدر تنقذ أي طارئ..
- هو انت شايفني مسعف و لّا شايفني دكتور أنا مالي يا عم ؟
= لا انت مش دكتور انت بطل 😇
بطل؟!!
هنفهمك.. هنفهمك شوية خطوات تقدر وتقدري بيها تنقذوا حياة ..❤️
![](https://blogger.googleusercontent.com/img/b/R29vZ2xl/AVvXsEjyFC0I4Wkx2BiW83hEtm5QT26dtAO9IhpmNYNgbG8JcwJBmhRxo_jQ0MNfk2pg7kA97HGgGu46K3RpiG1IE-1SLK0jdDAPPu4Oe8YEN5LYvR2LgR9cI95GCvS6YT76gj29BcycbDYO_3U/s640/30729952_1735434219825541_132258879315640320_n.jpg)
" وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا "
مش محتاجين نكون دكاترة أو عندنا إمكانيات كبيرة عشان نقدر ننقذ حياة و نكون أبطال بين اللي حوالينا.💪🏻
إنما محتاجين نتعمق أكتر ف ثقافة "الإسعافات الاولية "
وجود مجتمع واعي بالإسعافات الأولية بيخلق حالة من الأمان الصحي لأي حالات طارئة أو حوادث لا قدر الله، لأن كل فرد بيكون قادر على المساعدة.
⚠️تابعونا في سلسلة من البوستات الأونلاين هنعرفكم فيها أكثر المواقف الطارئة اللي ممكن نتعرض ليها في حياتنا ويبقى مطلوب مننا نتصرف.
ليست هناك تعليقات:
إرسال تعليق